Vazhdon braktisja e foshnjeve në Kosovë, një i gjinisë mashkullore u braktis gjatë muajit mars

Agjencia e Statistikave të Kosovës (ASK) publikon Statistikat e Mirëqenies Sociale për muajin mars 2023.

Ky publikim ofron të dhëna edhe për numrin e fëmijëve të braktisur.

Fëmijët e braktisur – Fëmijë i braktisur pa kujdes prindëror, konsiderohet çdo fëmijë i moshës nën 18 vjeç, i cili është i braktisur nga prindërit, të cilët për shkaqe dhe arsye të ndryshme nuk i kryejnë, apo nuk janë në gjendje ti kryejnë obligimet, përgjegjësitë dhe të drejtat prindërore.

Format e mbrojtjes për këtë kategori të fëmijëve janë: kujdestaria, bashkimi familjar, strehimi familjar, strehimi i përkohshëm institucional dhe adoptimi.

Duke u bazuar në të dhënat e ASK-së figuron se gjatë muajit mars të vitit 2023 në Fushë Kosovë është braktisur një foshnje i gjinisë mashkullore.

Rikujtojmë se edhe gjatë muajit shkurt të këtij viti është braktisur një foshnje e gjinisë femërore në Komunën e Malishevës, ndërsa, në muajin janar sipas ASK-së nuk është braktisur asnjë foshnje.