Slloveni, nga dita e enjte, përfituesit e shtesave të fëmijëve do ti marrin me rritje prej 10.3%

Përfituesit e shtesave për fëmijë do të marrin një shumë më të lartë në llogaritë e tyre të transaksionit për herë të parë ditën e enjte, më 13 prill.

Masa e përfitimit të fëmijëve do të jetë më e lartë me 10.3 për qind. Ata që klasifikohen në klasën e tretë me të ardhura dhe kanë tre fëmijë, të enjten do të marrin 295,88 euro në vend të 268,25 eurove, që është gati 28 euro më shumë dhe për një vit do të marrin 332 euro më shumë. 

Përfitimet e fëmijëve dhe transfertat e tjera sociale janë rritur tashmë më 1 mars, por përfitimet e fëmijëve paguhen për muajin e kaluar më së voni deri në datën 15 të muajit.

Pra, në muajin mars prindërit e kanë marrë shtesën për muajin shkurt, kur ende vlente shuma e vjetër, ndërsa në prill do ta marrin për muajin mars, kur tashmë është rritur shtesa për fëmijë.