FLASH

Prishtinasi kapet me kokainë, policia jep detaje

Prishtinasi kapet me kokainë, policia jep detaje

08.05.2023 Kosovë

Policia Kufitare dhe Njësia Antikontrabandë nga Dogana e Kosovës, pas kryerjes së procedurave për regjistrimin e personit L.H (1987) nga Prishtina në automjetin e tij me targa vendore, është selektuar për kontrollë në vijën e dytë. 

Dogana njofton se  gjatë kontrollit në automjetin e të dyshuarit të lartcekur është gjetur substancë narkotike e llojit Kokainë, “po ashtu është kryer kontrolli trupor i të dyshuarit me ç‘rast i është gjetur në trup një sasi e vogël e substancës së njëjte të cilat pas peshimit së bashku kanë rezultuar gjithsej 101.82 gram”, thuhet në njoftim.

“Lidhur me rastin është njoftuar njësia për Hetimin e Trafikimit me Narkotik në Prizren dhe Forenzikës të cilët pasi kanë dal në vendin e ngjarjes, me ç’rast nga i dyshuari janë sekuestruar si prova materiale dëshmitë si në vijim: Një (1) qese plastike me substancë të dyshuar narkotike të llojit kokainë me peshë 101 gram, një (1) qese plastike me substancë të dyshuar narkotike të llojit kokainë  me peshë 0.82 gram, një (1) telefon mobil, vetura me targa vendore. 

Pas njoftimit të prokurorit të shtetit janë pranuar udhëzime që të bëhet bastisje tek shtëpia e të dyshuarit

me ç’rast gjatë bastisjes janë gjetur dhe sekuestruar dëshmitë:
– Tri (3) peshore digjitale,
– Tri (3) pako me foli”, thuhet në njoftim.

Me aktvendim mbi ndalim të lëshuar nga prokurori kujdestar i dyshuari është ndaluar për 48 orë, ndërsa ndaj të dyshuarit është iniciuar rasti “blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

New Born Master Arsim dhe Edukim Rruga Xhavit Sylaj p.n.,
Kosovë
Bautrocknung-Profi GmbH Ndërtimtari Berliner Allee 35, 30855 Langenhagen,
Gjermani
Leard d.o.o. Ndërtimtari Temniška ulica 69, 4202 Naklo,
Slloveni
Vitamina - Marketing Agency Marketing / Web Srednje Bitnje 72, 4209 Žabnica,
Slloveni