Nesër shpallen rezultatet përfundimtare të zgjedhjeve lokale

Zëdhënësi i Komisionit Qendror të Zgjedhjeve (KQZ), Valmir Elezi përmes një njoftimi, ka bërë të ditur se nesër do të shpallen rezultatet përfundimtare të zgjedhjeve lokale, të cilat u mbajtën të dielën e 17 tetorit.

Ai ka thënë se rezultatet përfundimtare të raundit të parë të Zgjedhjeve Lokale për Kryetarë të Komunave do të shpallen të enjten (nesër), në orën 10:00.

Ndryshe, gjatë ditës së sotme janë numëruar edhe votat me kusht dhe ato të personave me nevoja të veçanta, ku kandidati i AAK-së për kryetar të Suharekës, Bali Muharremaj renditet i pari me 192 vota, pasuar nga kandidati i LDK-së Ardian Shala me 79 vota, Salih Zyba 42 dhe Murtez Zekolli 33.