Në Cyrih, qiratë arritën një rekord të ri historik

Qiratë zvicerane vazhdojnë të rriten në shumicën e kantoneve

Qiratë në Zvicër u rritën mesatarisht me 2.6 për qind në mars krahasuar me të njëjtën periudhë të vitit 2022, sipas një indeksi të publikuar të enjten nga portali i pasurive të paluajtshme Homegate dhe Banka Kantonale e Cyrihut.

Në Cyrih, për shembull, qiratë arritën një rekord të ri historik me një rritje prej 2 për qind.

Në pjesë të Glarus, Valais dhe Appenzell rritjet arritën deri në 4 për qind, ndërsa në Gjenevë dhe Bernë qiratë u rritën me 1 për qind.

Megjithatë, në disa vende, çmimet e qirave ranë pak në mars, siç është rasti në Zug, Bazel, Lozanë dhe Lugano.