Majlinda Kelmendi: Gratë në Kosovë janë shumë punëtore, kur kanë një qëllim asgjë s’i ndalë

Ish kampionia e Botës, Majlinda Kelmendi thotë se gratë kosovare janë shumë punëtore dhe asgjë s’mundet t’i ndalë kur të vendosin diçka.

Kelmendi ka dhënë një intervistë të gjatë për “Olympics.com”, ka komentuar rrugëtimin e saj si xhudiste, pensionimin e detyrueshëm dhe punën e re si trajnere.

Fillimisht, ajo deklaroi se popullariteti i saj në Kosovë është ende i njëjtë dhe të gjithë kanë respekt për të shkaku i punës së madhe që ka bërë ndër vite.

“Popullariteti im është i njëjtë, ndoshta njerëzit më kujtojnë dhe më respektojnë sepse isha e para që kam fituar titullin e parë për shtetin tim në këtë sport”.

“Ka shumë momente të paharrueshme gjatë karrierës sime, prandaj edhe njerëzit nuk do të më harrojnë”.

Kelmendi ndihet e nderuar me statujën që i është bërë në qytetin e Pejës, derisa tregoi arsyen e pensionimit duke thënë se pavarësisht dëshirës, “trupi nuk e dëgjon”.

“Më bën të ndihem krenar. Imagjinoni sa xhudistë janë në botë dhe ata vendosin të bëjnë një statu timen në shtetin tim”.