Dy nxënës goditen nga rryma elektrike në shkollën “Faik Konica” në Prishtinë, dërgohen për trajtim mjekësor

Në shkollën fillore “Faik Konica” në Prishtinë dy nxënës janë goditur nga rryma, të miturit tashmë janë dërguar në tretman mjekësor.

Lajmi është konfirmuar nga Policia e Kosovës në Prishtinë.

“Rreth orës 10:30 kemi pranuar informatën se në rrugën ‘George Bush’ në Prishtinë, dy persona (të mitur) janë goditur nga rryma elektrike. Personat janë dërguar për tretman mjekësor”, tha zëdhënësja e Policisë së Kosovës për rajonin e Prishtinës, Flora Ahmeti.

Ahmeti bëri të ditur që policia në koordinim me institucionet përkatëse po trajton rastin.