Bahrim Shabani zgjidhet nënkryetar i Kuvendit të Kosovës

Deputeti nga Grupi Parlamentar Multietnik, Bahrim Shabani, është zgjidhur nënkryetar i Kuvendit të Kosovës në seancën e së enjtes.

Ai mori këtë pozitë me shumicë votash, pas dorëheqjes së Bekim Arifit.

“Nga 75 deputetë, kanë votuar 73 deputetë. Të gjitha votat ishin për, asnjë kundër dhe asnjë abstenim”, tha kryeparlamentari Glauk Konjufca, duke e uruar nënkryetarin e ri për pozitën.