Austri, 34 vjeçari serb kërcënon me vrasje në transmetim të drejtpërdrejtë, arrestohet nga policia

Për shkak se një 34 vjeçar serb në Vjenë kërcënoi të vriste një tjetër në transmetim të drejtpërdrejtë, WEGA dhe një helikopter policie dolën për ta arrestuar.

Një shtetas serb 34-vjeçar kërcënoi se do të vriste një burrë 38-vjeçar përmes një transmetimi të drejtpërdrejtë në rrjetet sociale. Në video ai i ka kërkuar një pistoletë një personi tjetër dhe ka kërcënuar se do të shkonte në adresën e shtëpisë së 38-vjeçarit për të kryer kërcënimin e tij.

Mësohet se i akuzuari ka shkuar disa herë në shtëpinë e 38-vjeçarit dhe atje e ka kërcënuar atë, përmes një transmetimi të drejtpërdrejtë. Në vazhdën e një kontrolli të menjëhershëm, në të cilin ishte përfshirë edhe një helikopter policie, oficerët e policisë së njësisë speciale WEGA arritën të ndalojnë të dyshuarin në Brünner Strasse pranë banesës së 38-vjeçarit të enjten në orën 12.30.

Oficerët e policisë nga stacioni i policisë Kummergasse arrestuan burrin 34-vjeçari i cili nuk kishte armë zjarri me vete. 34-vjeçari ka rrëfyer dhe ka thënë se ai thjesht donte të trembte 38-vjeçarin. 

Pas marrjes në pyetje në polici, ai me urdhër të prokurorisë publike të Vjenës është dërguar në burg.