56 aksidente, afro 1700 tiketa trafiku e 22 të arrestuar në 24 orët e fundit

Policia e Kosovës në raportin e saj të rregullt ditor ka bërë të ditur se brenda 24 orëve në vendin tonë kanë ndodhur 56 aksidente trafiku.

Fatkeqësisht një aksident ka përfunduar me fatalitet, ndërsa 21 aksidente kanë përfunduar me të lënduar dhe 35 të tjera me dëme materiale.

Gjatë kësaj periudhe kohore, Policia e Kosovës ka shqiptuar edhe 1,695 tiketa trafiku për të gjithë drejtuesit e automjeteve që kanë shkelur rregullat e trafikut.

Po ashtu, në 24 orët e fundit policia ka arrestuar 22 persona të dyshuar për vepra të ndryshme penale, ku 16 prej tyre janë dërguar në mbajtje dhe dy të tjerë në vuajtje të dënimit.